bachpan me jab ham teen bhai ko padhane ko kahaa jaata to ek doosare ke saath gappe haankane me man lagtaa tha.... lekin tab pita ji ke maar ke darr se padhate bhi nahi the lekin wo bhi nahi karte the jisame man lagtaa tha.

TV dekhane kaa bahut man hota tha lekin kabhi light chali jaaye to baaki samay phir pitaji se maar khaane kaa darr --- aur tv bhi luk chip kar hi dekh pate the.

Jab college gaya to dosto ke saath masti karne kaa man kartaa tha... padhai ke waqt gappe haankane kaa man hota tha... lekin exam me fail ho jaane ke darr se so jaata tha lekin bahut kam hi waqt hota jab sahi me padh pata tha...lekin kamase kam apne dosto ke saath khul kar baat nahi kar pata tha.. masti nahi kar pata tha.

Ab jab padhai khatam ho gayi hai... kamase kam maa baap ke najaro me... waise to ye kabhi khatam nahi ho sakati... ab naukari par jaane me tension hoti hai --- ghar ghum aaun... parivaar se mil aaun aur dosto ke paas ho aaun... apne biwi bacho ka saath hi chhod kar naukari karne jaana padta hai... aur kaam ki talaash karne jana padtaa hai.

aaj yaa aise bahut se dinno me aisa lagtaa hai --- ki agar main bahut aur aise din naa jindaa rahun to kyaa hoga... kyunki ye sab kareeb kareeb ek jaise hi hai.

Bas kuch kartavya hai... jianko nibhaane hai.

aakaanchaaye aur chaahat jeevan jeene ke prerit kar sakti hai... aur karti hogi.... kabhi kabhi mujhe bhi kuch chaahat yaa kaamyaabi khush karti hai.. lekin wo bahut din tak nahi rahti.... aajkal aankhein itni bhaari rahti hai --- ki samajh nahi aata ki kyaa din bhar sone se meri samasyaa door ho jaayegi yaa phir kuch karne se... lekin kuch karne kaa man hi nahi hota.. har waqt dar aur bhaya ki kyaa hogaa!!

Ye bhi pata hai ki es jindagi me bahut kuch hone laayak hai hi nahi... siwaaye har pal main haseen tareeke se bita sakun... khush hokar aur jo bhi kar raha hun usako acha karke!!

saayad pata hona hi bahut nahi hai.